A e keni gjetur ndonjëherë veten para dollapit plot me rroba dhe me ndjenjën se nuk keni absolutisht asgjë për të veshur? Gjatë kësaj kohe të “errët”, mund të duket se e vetmja gjë logjike për të bërë është që të shkoni të bëni “shopping”, të shtoni gjëra të reja në gardërobën tuaj të vjetër, por në fakt pazari është gjëja e fundit që duhet të bëni.
E vërteta është se ju nuk doni më shumë rroba, por më pak. Kështu ju mund të bëni hapësirë për të gjitha gjërat e reja që do të blini. Ja përse ju arritët në këtë pikë! Në vend të kësaj, mendoni për gardërobën tjuaj sikur duhet të zbuloni skulpturën në të, gardërobën tuaj ideale.
Por në fillim ju duhet disa gjëra, një letër dhe një stilolaps për të shënuar gjërat që duhet të spastroni nga dollapi juaj. Sa më të sinqertë të jeni me veten, aq më të lehta do të jenë gjërat më vonë. Ja shtatë llojet e veshjeve që duhet të hiqni dorë:
1.Rrobat e klonuara – çdo gjë që e keni të shumëfishuar
2.Rrobat e virgjëra – veshjet që ju nuk i keni veshur kurrë ose një herë të vetme
3.Rrobat të rehatshme – veshjet super të rehatshme për në shtëpi që i vishni vetëm kur ndiheni e shëmtuar dhe e vrazhdë.
4.Fantazmat e veshjeve të shëmtuara të se shkuarës – rrobat që dikur i donit dhe i vishnit gjithë kohës, por tani i urreni
5.Veshjet e “vetes tuaj tjetër” – çdo gjë që nuk ju përshtatet ose që do t’ju bënte nëse do të ishit ndryshe (më e shëndoshë, më e dobët, më e gjatë)
6.Vjeturina – çdo gjë që është e njollosur ose e dëmtuar pa mundësi rregullimi (që do të thotë se ju nuk do t’i rregulloni asnjëherë)
7.Mbushësi – çdo gjë e mbetur që ju thjesht nuk i pëlqeni
Burimi: Elle
