Luar Arani ka reaguar ndaj deklaratës së gazetarit Flavio Qarri, i cili pas pyetjes së sikletshme që i bëri në studio për lidhjen me ndonjë bos droge, reagoi sërish duke thënë se ishte vetëm një shaka.
Flavio jo vetëm që nuk kërkoi më pas falje publike, por nisi të tregonte me ironi sesi ishte bërë personazh me pyetjen e tij, në protestën kundër abuzimit të femrave që u mbajt dje.
Pas kësaj, këngëtarja i ka bërë një replikë publike me një postim në Instastory ku shkruan se nuk ka nevojë aspak për ndjesën e tij, ndërsa i kërkon falje publikut që u bë pjesë e gjithë këtij debati.
Luar shprehet se e kuptoi që ishte batutë por kjo nuk do të thotë se ka qenë dakord me batutën e bërë nga Flavio.
Këngëtarja shkruan se si gazetar, Flavio duhet të jetë më përgjegjës për kohën që ka në dispozicion për t’u dhënë të rinjve mesazhe të duhura.
Gjithçka nisi pas një pyetjeje përsonale për këngëtaren, që në fakt ishte një shaka e pavend nga ana e gazetarit: “je lidhur me ndonjë boss droge që s’duhet ta dimë apo si është puna?”
Arani gjeti fjalët e duhura për t’i treguar atij që në fakt një femër e suksesshme mund t’ia dalë vetë, pa qenë e nevojshme për të patur një bos droge.
“Nëse një femër është e suksesshme dhe mban një apartament vetëm edhe ka një karrierë nuk do të thotë që ka patjetër një bos droge përkrah. Nuk e lidh djalin e mirë me bosin e drogës. Punoj në bankë dhe bëjë dhe muzikë. Po pres të marr dhe një qen”, është shprehur Luar Arani.
Në një shkrim të fundit, argumentuam se deklarata e tij na bën të mendojmë se në realitet, nga disa tema të caktuara siç është seksizmi, Flavio lë për të dëshiruar me njohuritë, por me sa duket atij i interesojnë këto minutat e famës që po merr aktualisht (lexo këtu).
