Disa ditë më parë, Liam Hemsworth njoftoi ndarjen nga Miley Cyrus, vetëm 8 muaj pasi ishin kurorëzuar me martesë.
Ata kishin një histori dashurie prej 10 vitesh, mirëpo uljet e ngritjet e shumta e kanë shtyrë dyshen drejt divorcit.
Ishte Liam ai që shkoi i pari të firmosë dokumentat për divorc dhe kjo nuk i ka pëlqyer aspak Miley-t.
Këngëtarja është zemëruar me partnerin pas këtij veprimi, pasi kjo do të thotë se Liam nuk i ka dhënë asnjë mundësi të pajtohen e të rregullojnë gjërat së bashku.
Mesa duket, Liam e ka ndarë mendjen të vazhdojë jetën pa Miley-n dhe burime pranë tij tregojnë se aktori do të largohet për në Australi.
Mësohet se ai dëshiron të nisë jetën nga e para, pa partneren e tij prej 10 vitesh dhe dëshiron të qëndrojë sa më larg Miley-t.
Ndërkohë, këngëtarja po përflitet gjatë këtyre ditëve për romancën e re me mikeshën e saj Kaitlynn Carter, me të cilën është fotografuar në momente intime.
