Romanca mes Kylie Jenner dhe Travis Scott thuhet se është ende në një gjendje të brishtë, pak javë pasi u pohua se ajo kishte gjetur prova se reperi e kishte tradhtuar.
21-vjeçarja, e cila ka një vajzë 13-muajshe me partnerin, thuhet se ka vendosur karrierën e vet përpara zgjidhjes së problemit në çift, pavarësisht se reperi dëshiron që të përmirësojë gjërat mes tyre.
“Burimet e afërta me të dy, thonë se ata flasin me njëri-tjetrin që nga incidenti, por marrëdhënia nuk është si dikur… mbajtja e familjes bashkë është prioritet i lartë për Travis”, thonë burime për TMZ.
Travis Scott mohon ta ketë tradhtuar Kylie-n dhe gjithçka sipas tij është një mashtrim.
Tani duket se karrierat përkatëse të çiftit po pengojnë zgjidhjen e gjërave të lëna pezull, pasi Kylie ka insistuar që Travis të vazhdojë me turneun e tij.
Projektet e ndryshme të Kylie-t janë aktualisht fokusi kryesor i saj dhe ajo i ka kërkuar Travis-it që të vazhdojë të ndjekë datat e koncerteve të tij.
“Çifti është i bindur se do të jetë në gjendje të bëjë që lidhja e tyre të funksionojë, por për momentin karriera e tyre ka zënë vendin e parë”, vijon burimi.
