Ndërkohë që prej vitesh 8 Marsi është kthyer në një ditë feste për vajzat dhe gratë shqiptare, të cilat presin dhurata nga fëmijët apo bashkëshortët, koha po tregon se ato po ndërgjegjësohen dhe po e kuptojnë se kjo është një ditë për të kërkuar barazi dhe drejtësi.
Meshkuj dhe femra janë mbledhur sot para Drejtorisë së Policisë së Tiranës për të protestuar kundër dhunës dhe abuzimit ndaj grave.
Dhjetëra të rinj dhe të reja të veshur me të zeza, bllokuan rrugën “Sami Frashëri”, për të ngritur zërin për barazi dhe respektim të të drejtave të grave me rastin e Ditës Ndërkombëtare të Gruas.
Me pankartat që lexonin: “Drejtësi për vitkimat e dhunës dhe trafikimit”, apo “Të jetosh pa dhunë është e drejta e çdo gruaje”, të rinjtë protestonin jashtë godinës së drejtorisë së policisë.
Ata u dhanë mesazhin të gjitha grave shqiptare që të mos presin lule për 8 Mars, kur ka ende femra në Shqipëri që vriten, dhunohen dhe abuzohen.
Iconstyle.al po përcjell disa nga fotot dhe videot nga vendi i ngjarjes.
