Majk nuk e fsheh më. Ai ka rënë në dashuri me bukuroshen nga Prishtina dhe këtë e tregon përmes një fotoje që ka postuar në profilin e tij në “Instagram”.
Jo më larg se dy ditë më parë reperi e pranoi në një dalje për mediat kosovare, se është në lidhje, pavarësisht se nuk e përmendi emrin e Majlinda Zekës.
Por pak orë më parë, ai ka postuar një foto me të, e realizuar në automjet ndërsa nuk ka dhënë asnjë koment.
Çifti janë fotografuar shpesh në rrugët e kryeqytetit kosovar, por kjo është fotoja e parë që Majk postoi me të dashurën dhe fansat e tij e kanë përgëzuar për këtë gjë.
