Një gjykatë e Kombeve të Bashkuara për krimet e luftës u ndërpre, pasi një ish-udhëheqës ushtarak boshnjak-kroat piu helm, vetëm pak sekonda pasi gjykatësi dha dënimin e tij me 20 vite burg.
Slobodan Praljak, 72 vjeç, bërtiti: “Unë nuk jam një kriminel lufte!” dhe u shfaq duke pirë nga një shishe e vogël, pasi humbi apelimin e tij në Gjykatën Penale Ndërkombëtare për ish-Jugosllavinë, në Hagë (Holandë).
Praljak është një nga gjashtë politikanët kroatë të dënuar me burg për përfshirjen e tyre në një fushatë për të përzënë myslimanët nga e ashtuquajtura mini-shteti i Bosnjës, në fillim të viteve 1990.
Seanca u pezullua pasi avokati i Praljak bërtiti: “Klienti im thotë se ka marrë helm”.
Ndërsa zyrtarët e gjykatës rrethuan Praljak, kryetari i kolegjit, Carmel Agius menjëherë urdhëroi pezullimin e procesit dhe mbylljen e perdeve që rrethonin sallën e gjyqit.
Brenda pak minutash, një ambulancë u pa të vinte jashtë Gjykatës në Hagë dhe një helikopter.
Disa punonjës të shpëtimit emergjent gjithashtu nxituan për në ndërtesë, ndërsa zyrtarët e gjykatës bënin thirrje për qetësi.
Një roje e gjykatës më vonë u tha gazetarëve se Praljak është gjallë dhe “nën kujdesin e mjekëve”.
Burimi: Daily Mail
