Situatë alarmante/Fruthi po përhapet me shpejtësi, vetëm në Tiranë 132 të prekur

Ditën e sotme në Komisionin e Shëndetësisë u diskutua situata alarmante që paraqet në vendin tonë sëmundja e fruthit.

Zëvendës/ministrja Mira Rakacolli tha se rastet e para të të prekurve nga fruthi në vend janë regjistruar më 10 janar të këtij viti, ndërsa deri tani kanë humbur jetën 2 fëmijë.

Lexo edhe :

Çfarë janë numrat e engjëjve dhe çfarë do të thotë kur i sheh shpesh?

14:23 27/02/26

Pakistani sulmon 22 lokacione në Afganistan, 274 anëtarë talebanë të vrarë! Kabuli bën thirrje për dialog

13:50 27/02/26

Rakacolli u shpreh se vetëm në kryeqytet janë regjistruar 132 raste, nga të cilët 74% kanë qenë të pa vaksinuar.

Sipas saj janë 10 mijë doza vaksinash fruthi që po përdoren për të parandaluar përhapjen e mëtejshme të epidemisë së fruthit.

Sëmundja e fruthit shoqërohet me temperaturë të lartë, me puçrra, ngjirje të zërit, etj. Nëse temperatura nuk zbret për një kohë të gjatë, atëherë shfaqen kompikacione si pezmatimet e veshit, mushkërive e trurit, që janë të rrezikshme dhe mund të shkaktojnë vdekjen. Parandalimi i duhur është përmes vaksinimit.

Autoritetet rekomandojnë që në rast epidemie të vaksinohen edhe fëmijët 9 muajsh.