Kushtet ekstreme të motit kanë krijuar rreziqe të mëdha për banorët e vendeve fqinje. Nëse do të flasim për Italinë, prej disa ditësh është përfshirë nga stuhi erërash të forta dhe breshër duke shkaktuar përmbytje në disa qytete, nga ana tjetër Greqia si pasojë e të nxehtit ekstrem, shumë vende po digjen nga flakët.
Së fundmi ishulli grek i Rodosit është mbuluar me shpejtësi nga flakët duke bërë që mijëra banorë dhe turistë nga hotelet aty, të evakuuohen.
Më shumë se 3500 persona janë larguar nga toka dhe nga deti për të siguruar shpëtimin.
Pesë helikopterë dhe 173 zjarrfikës po operojnë në zonë, ndërsa tre hotele në zonën e Kiotarit raportohet se janë dëmtuar nga zjarri. Zonat e Laermës, Lardos dhe Asklipio u prekën gjithashtu.
