Përveç Durrësit e Thumanës, ku pas tërmetit të 26 nëntorit u regjistruan dëmet më të mëdha, situata vijon të jetë tejet e vështirë edhe në fshatrat përreth siç është Marikaj.
Në dy vendstrehime, vullnetarët e Fondacionit “Shpresë për botën”, në qendrën për fëmijë, “Shpresa” u kanë dhënë strehim fëmijëve dhe prindërve të tyre, por situata po bëhet e papërballueshme për shkak të mungesës së ushqimeve dhe shtretërve.
Ledina Rabdishta tregon për “Iconstyle.al” se në qendrën “Shpresa” ka ende kapacitet për të strehuar njerëz, por për shkak të mungesës së ushqimeve dhe shtretërve nuk ka mundur ende të marrë persona të tjerë.
Nga video shihet se fëmijët e prekur nga tërmetet kanë kushte mjaft të mira për të qëndruar, pasi kanë ambient për t’u argëtuar.
Ledina bën apel për të gjithë ata që kanë mundësi të ndihmojnë, të dërgojnë në qendrën “Shpresa”, ushqime, shtretër, batanije dhe çadra.
Ajo ka dëshirë të strehojë ende njerëz të tjerë, prandaj nëse edhe ju dëshiroheni të splidarizoheni në këto ditë të vështira, mund të telefononi në numrin: 0696544008
