Okej e pranojmë që e kemi mendjen ende te dasma mbretërore dhe një nga fotot që na ka mbetur më shumë fiksim është pikërisht kjo.
Yui Mok, një fotograf që punon për PA, realizoi nga sipër një nga imazhet më të bukura mes Meghan Markle dhe Princit Harry, ndërsa po udhëtonin me karrocë duke përshëndetur fansat.
Imazhi i pazakontë u bë viral dhe është publikuar pafundësisht në mediat sociale dhe në shtyp. Mok ndau disa detaje se si ndodhi fotografia.
Disa spekuluan se fotografia u realizua me anë të një droni, pavarësisht se ishin të ndaluar atë ditë.
Mok thotë se ai ishte i pozicionuar në çatinë e portës së George IV, pra një kënd interesant.
Ai falënderoi agjencinë PA, që realizoi editimin e fotos, pa i humbur cilësinë. Mok ndau gjithashtu disa imazhe të tjera të çiftit të realizuar nga këndi i tij.
Burimi: Harper’s Bazaar
