Justin Sun bleu bananen e një vepre arti prej 6.2 milionë dollarësh javën e kaluar.
Ishte vepër e Maurizio Cattelan e vitit 2019, një banane e ngjitur në mur, në shtëpinë e ankandit Sotheby në Nju-Jork.
Mirëpo 34-vjeçari e hëngri frutin gjatë një konference për shtyp në Hong Kong.
Banania e veprës është ngrënë dy herë më parë – së pari nga një artist performancash në vitin 2019 dhe përsëri nga një student koreano-jugor në vitin 2023 – por asnjëri nuk kishte paguar para për ta bërë këtë, e lëre më 6.2 milionë dollarë.
“Ngrënia e frutit në një konferencë shtypi mund të bëhet gjithashtu pjesë e historisë së veprës së artit,” tha Sun. “Është shumë më mirë se bananet e tjera”, shtoi ai.
