Më 14 dhjetor Ledri Vula dhe partnerja e tij Sara Hoxha, mirëpritën në jetë fëmijën e tyre të parë.
Sikundër na zbuluan edhe gjatë verës ata janë bërë me një vajzë, teksa po na lënë në pritje lidhur me emrin e saj.
E kur kurioziteti është i madh, së fundmi në rrjet po qarkullon një lajm sipas së cilit dyshja e ka quajtur vajzën Poema Blue (Vula). Megjithatë, deri tani nuk kemi asnjë reagim nga çifti dhe mbetet për tu parë nëse kjo tezë është e vërtetë apo jo.
Sara nuk ka reaguar ende në rrjetet sociale, teksa Ledri publikoi një foto nga spitali ku shihet tek mban dorën e Sarës duke shkruar vetëm datën e lindjes së të voglës: 14.12.2020.
Sigurisht kjo datë ka ndryshuar përgjithmonë jetën e tyre dhe ne mezi po presim t’i shohim të tre së bashku.
E vogla është mbesa e parë për prindërit e Ledrit, të cilët i kanë bërë pritjen më të ëmbël bebushes që ka ardhur në jetë.
Ata i kanë përgatitur një tortë ku shkruhet “Mirë se erdhe”, zbukuruar me një kukull bebe, një karrocë dhe një trëndafil ngjyrë rozë.
Kujtojmë se vajza e Ledrit dhe Sarës ka ardhur në jetë në Gjermani, atje ku çifti u zhvendos pak javë më parë për të mirëpritur të voglën.
Pak muaj më parë ai publikoi “Si baba” një këngë mjaft e ndjerë, deedikim për të bijën.
