Çdo verë ka trendet e veta, stilet, risitë e të veçantat që personazhet VIP janë të parët që na i tregojnë.
Kjo verë duket se ka sjellë ngjyrat neon, të cilat të famshmet shqiptare nuk kanë ngurruar t’i përdorin në look-un e tyre.
Tuna, Tayna, Elvana Gjata, Era Istrefi etj, të gjitha kanë tërhequr vëmendjen me makeup-in e tyre, i cili këtë sezon duket më cool se asnjëherë!
Vajzat janë shfaqur me ngjyra elektrizuese në tonin e syve, ngjyra që kanë tërhequr vëmendjen dhe i kanë bërë të duken plot jetë.
Nuk ka rëndësi nëse është blu, e verdhë, rozë apo një ngjyrë tjetër, mjafton që të jetë një nuancë e ndezur që t’i bëjë të gjithë të kthejnë sytë nga ju. Gjithashtu, ky look shoqërohet edhe me veshje me ngjyra të ndezura.
Për t’u bindur, hidhini në sy këtyre fotove të vajzave të famshme të showiz-it shqiptar dhe mësoni mënyrën e vetme sesi duhet të grimohen sytë këtë verë.
