Covid-19, virusi që ka ‘paralizuar’, frikësuar dhe ka ngritur shumë pikëpyetje në mendjet e njerëzve deri tani ka shënuar 263,349 viktima, 3,804,912 të infektuar, teksa 1,287,570 persona janë shëruar.
Nuk dihet ende çka do ndodhë në të ardhmen, tashmë që virusi ka ‘gjunjëzuar’ edhe kombet më të fuqishme në botë, ndërsa mjekët ende nuk kanë një ilaç në duart e tyre, teksa deri tani bluzat e bardha kanë bërë kombinime medikamentesh, ose kanë përdorur antibiotikë, që kanë mundur ‘armikun’ në murtajat e mëparshme.
Duke iu referuar shkencëtarëve, vaksina e parë mund të jetë e disponueshme pas afro një vit, ndonëse shkenca prej muajsh po punon vetëm në këtë drejtim.
Mjeku shqiptar në Spanjë, Kita Sallabanda deklaroi mbrëmjen e sotme se masat e marra e kanë dhënë efektin, pasi koronavirusi e ka humbur fuqinë e tij të virulencës dhe tregoi tre variantet që diskutohen nga shkencarët lidhur me ecurinë e sëmundjes.
- Në variantin e parë ne kemi pasur një pikë të shpërndarjes të smëundjes.
- Varianti i dytë është që kemi pasur një pik tani në mars dhe mendohet se në nëntor, dhjetor të këtij viti do të kemi një shpërndarje akoma më të madhe të virusit, pra një valë të dytë.
- Varianti i tretë është që e kemi kaluar pandeminë dhe tashmë ajo do dobësohet përherë e më shumë deri sa të krijohet vaksina.
“Ajo që ka humbur është virulenca. Masat që u morën , të izolimim, të higjenës, këto masa treguan efikasitet total. Këto janë tre variante me të cilët ne mendojmë që po zhvillohet apo do zhvillohet pandemia në botë. Në variantin e parë ne kemi pasur një pikë të shpërndarjes të smëundjes. Varianti i dytë është që kemi pasur një pik tani në mars dhe mendohet s enë nëntor, dhjetor të këtij viti do të kemi një shpërndarje akoma më të madhe të virusit. Pra vala e dytë. Varianti i tretë është që e kemi pasur pandeminë dhe do të shkojë me nivele të dobëta. Deri sa të gjendet vaksina. Të tre këto variante janë në funksion të gjendjes së vaksinës. Por, kjo është domethënëse se ne nuk e dimë akoma si do të zhvillohet virusi”, tha mjeku në një lidhje me Skype për Abc News.
Ndërkohë, i pyetur nëse është arritur ajo që cilësohet si “imuniteti i tufës”, Sallabanda tha se nuk është arritur imuniteti që pritej, deklaratë kjo e bërë më herët edhe nga Organizata Botërore e Shëndetësisë.
“Ne nuk kemi pasur imunitetin e pritshëm. Organizmi nuk ka reaguar në formë të mjaftueshme që të krijojë imunitet. Në këtë goditje të parë do të kishim 20% dhe kemi vetëm 5%. Unë ju them me bindje së karantina ishin elementët bazë që na ndihmuan të ndalim intensitetin e virusit. Një element tjetër është fillimi i rritjes së temperaturës. Të gjitha këto të dhëna, higjiena, karantina, distanca dhe rritjet e temperaturës kanë bërë që virusi të frenohet në mënyrë të dukshme. Virusi nuk e duron ekspozimin në diell. Është një e dhënë shkencore”, tha ai.
Çfarë është imuniteti i tufës?
Që imuniteti i tufës të mbahet, njerëzit duhet të bëhen rezistentë pasi të infektohen: njerëzit që janë të infektuar dhe shërohen bëhen rezistentë ndaj asaj sëmundjeje, sepse sistemi i tyre imunitar ngarkohet me antitrupa që janë në gjendje ta mposhtin atë.
Kur një pjesë e mjaftueshme e popullsisë është rezistente ndaj një mikrobi, përhapja e sëmundjes ndalet natyrshëm sepse nuk mbeten mjaftueshëm njerëz që mund ta transmetojnë atë.
Kështu që, “tufa” është imune, edhe pse shumë individë brenda saj akoma nuk janë të tillë.
Vaksinat krijojnë imunitet tufe gjithashtu, qoftë kur jepen gjerësisht ose ndonjëherë kur i jepen një grupi që rrethon një rasti të ri të një infeksioni të rrallë./gazetareforma
