Më 29 tetor zv.ministrja e Shëndetësisë Mira Rakacolli ka bërë me dije dy prej vendimeve të propozuara nga Komiteti Teknik i Ekspertëve, duke surprizuar jo pak mbarë opinionin publik.
I parë lidhej me zhvillimin e mësimit online për Universitetet, që solli pasoja të mëdha tek studentët (KLIKO), ndërsa vendimi i dytë ishte edhe më qesharak. Rakacolli tha se po mendohet mbyllja e lokaleve në zonën e ish-Bllokut pas orës 22:00 (KLIKO)
Në këtë mënyrë, pyetja e parë që na lindi të gjithëve në mendje është përse vetëm lokalet e Bllokut? Nuk ka rrezik infektimi në vendet e tjera?
Gjatë gjithë verës mediat kanë pasqyruar se në lokale nuk po respektohen rregullat anti-Covid dhe këtu nuk bëhet fjalë vetëm për lokalet në zonën e Bllokut. Mjafton një vëzhgim i shpejtë që kushdo mund të bëjë në një zonë të caktar për të vënë re se si grumbullimet në lokale ndodhin kudo.
Pyetja e dytë, është përse pas orës 22:00? Mbipopullimi i kafeve dhe bareve nuk ndodh vetëm pas orës 22:00, por edhe gjatë ditës. Këtë e vërtetuam edhe gjatë verës, kur qeveria vendosi që muzika mos të luhej pas orës 20:00.
Ajo që ndodhi është se koncertet e natës u zhvilluan ditën, pa respektuar asnjë masë, duke rrezikuar dukshëm shëndetin e të gjithëve. (KLIKO)
A do veprojë sërish qeveria me standarte të dyfishta?
Duke u ndalur te vendimi i qeverisë për të gjobitur të gjitha lokalet që luajnë muzikë pas orës 20:00, vlen të theksohet se ajo ja doli shumë mirë të veprojë me standarte të dyfishta.
Kështu, mund të rendisim aksionet jo spontane dhe të paorganizuara të Policisë së Shtetit për të mbyllur ose gjobitur lokale të caktuara, duke bllokuar disa bare e duke lënë të lirë lokale nate apo pub-e në zonat bregdetare. Madje, ne ju kemi njohur edhe me rastin e ‘Prestige resort’, ku urdhri për t’i lënë dorë të lirë biznesit në fjalë, vinte nga lart. (KLIKO)
Edhe disa pub-e me emër në jug, si “Folie Marine” “Sanuri”, “Orange Club” etj. prej nga ku janë publikuar shpesh pamje kompromentuese, jo vetëm duke shkelur ligjin me luajtjen e muzikës pas orës 20:00, por edhe duke mos respektuar distancimin fizik, ka vijuar shkelja e ligjit për 2 muajit e verës. (KLIKO)
E kur këto biznese falë mikut e falë lekut kanë arritur të ushtrojnë aktivitetin e tyre si çdo vit tjetër, biznese të tjera të pafata e kanë pësuar ose duke u gjobitur nga Policia, ose duke respektuar ligjin, që në këtë rast përkthehet në humbje. Kreu i Shoqatës së Bareve dhe Restoranteve në vend, Enri Jahaj, ka treguar për iconstyle.al se shumë biznese po konsiderojnë mbylljen, pasi ju kërkohet qira e plotë, në të kundërt duhet të ndërpresin kontratën dhe të lirojnë ambientin.
Po ashtu, pronarët e shumë bizneseve në kryqytet kanë treguar se ndryshe nga bizneset e mëdha në bregdet që ia hedhin paq gjobave të policisë me muzikën pas orës 20:00 pas lëshimeve të këtyre të fundit, ata nuk do të guxonte kurrë këtu në Tiranë të bënte një shkelje të tillë, nga frika se i bllokojnë aktivitetin. (KLIKO)
Mirëpo, asnjëri prej ministrave përgjegjës nuk është munduar ta vëjë ujin në zjarrr për asnjë nga probematikat e mëposhtme: as për shkeljen e aktit normativ, as për konkurrencën e padrejtë, as për rrezikun e infektimit të qytetarëve.
A do përsëritet i njëjti skenar edhe me këtë vendim?
