Silva Gunbardhi përjetoi për herë të parë ndjesinë e të qenit nënë. Ajo solli në jetë 1 muaj më parë Dalvin, frytin e dashurisë me bashkëshortin Dafi Derti.
Por ardhja në jetë e fëmijës së tyre të parë nuk ka qenë aspak e thjeshtë për këngëtaren.
Silva rrëfeu ankthin që përjetoi kur, menjëherë pasi lindi, ia morën të birin për t’ia çuar në reanimacion. Dalvi lindi në muajin e tetë të shtatzënisë dhe i kishte mushkëritë të pazhvilluara.
Silva donte të shikonte të birin, por nuk mundej sepse ishte nën kujdesin mjekësor.
“Ndihesha keq kur i shihja nënat e tjera t’i mbanin fëmijët në duar dhe doja edhe unë të shihja e përkëdhelja tim bir”, u shpreh ajo e ftuar tek emisioni “Rudina”.
Gjendja shëndetësore e të voglit me kalimin e kohës u normalizua, ndërsa tani janë të lumtur me familjen e tyre.
