Prej tre ditësh, në media ka bërë bujë sherri mes dy aktorëve të njohur të humorit, Gentian Hazizi dhe Ledio Lako.
Aktorët janë konfliktuar me njëri-tjetrin në zonën e “Ish-Ekspozitës” dhe nuk kanë munguar as grushtet mes tyre.
Sipas njoftimit të Policisë së Tiranës, ka qenë Ledio Lako ai që ka qëlluar me një përforcues grushti metalik aktorin Gent Hazizi dhe një person tjetër që ka qenë në shoqërinë e këtij të fundit pranë një karburanti.
Pas lajmeve të shumta që qarkulluan në rrjet, Lako dha versionin e tij të historisë për “Panorama.com”, duke treguar se ishte një sherr banal dhe ishin goditur vetëm me shpulla.
“Sherr artistësh, për çfarë do zihemi tjetër për drogë?! Jemi zënë për tekstin. Genti mund të jetë i axhituar, por këto doreza janë kot. U zumë kot, pas teatrit për punë roli. Jo roli jot, jo ma thuaj batutën, jo s’ma thua batutën. S’ka qenë ndonjë konflikt për t’u raportuar, por me që po kalonte policia aty. Me shpulla jemi goditur. Nuk të nxjerr njeri nga rajoni po të gjuash me dorezë, mjet metalik të fortë.”-u shpreh aktori.
Mirëpo, Gentian Hazizi, i cili ende nuk ka dhënë verisonin e tij të ngjarjes, ka dhënë prova mbrëmjen e sotme se sherri nuk ka qenë thjesht goditje me shpulla.
Në një lidhje direkte në Instagram me aktorin Florjan Binaj, dallohet qartë syri i djathtë i aktorit, i cili është i nxirë.
Kjo hedh poshtë fjalët e Lakos, duke vërtetuar se situata mes tyre ka qenë më e rëndë sesa është përshkruar.
Pavarësisht shenjës së nxirë në sy, aktori nuk ka folur në asnjë moment për shenjën e tij dhe për sherrin e shumëpërfolur të këtyre ditëve.
