Vajza e Tommy Hilfiger, 31-vjeçarja Ally, është pickuar nga një insekt (rriqra) në stomak kur ishte vetëm 7 vjeçe, në verën e vitit 1992.
Nëna e saj e hoqi me kujdes me një piskatore dhe askush nuk mendoi më për të deri 11 vite më pasi, kur Ally u shtrua në një spital psikiatrik dhe u mor në shqyrtim nga 12 doktorë.
Pezmatimi i shpeshtë i fytit, pasiguritë emocionale, dhimbjet në gjunjë dhe vështirësitë e përqendrimit, i bën të gjithë të çmendeshin se çfarë kishte ndodhur, deri sa një doktor pa simptomat e sëmundjes Lyme.
Sëmundja është misterioze, pasi mund të prekë sistemin qendror nervor duke shkaktuar simptoma neurologjike dhe psikiatrike, sipas Institutit Kombëtar të Shëndetit.
Ally, tani regjisore dhe aktore, u ballafaqua më shumë se një dekadë me një agoni të padiagnostikuar mendor dhe emocional, pas kafshimit të një insekti duke e infektuar me bakter.
“Isha e bindur se insektet po zvarriteshin në trupin tim. Mund të ndjeja ato të ushqeheshin te organet e mua, në stomakun dhe sidomos në trurin tim”, shkruan Ally Hilfiger në librin e saj te ri “Bite Me: How Lyme Disease Stole My Childhood, Made Me Crazy, and Almost Killed Me” (“Më kafsho: Si sëmundja Lyme më vodhi fëmijërinë, më bëri të çmenduar dhe gati më vrau”).
“Unë nuk isha më vetja. Isha një imazh i dobët i vetes i projektuar në mur, duke thirrur dikë që të më ndihmonte dhe të zbulonte se çfarë nuk shkonte.
Askush në familje nuk e kujtonte kur u hoq insekti, por dy vite më vonë ajo kishte vështirësi në përqendrim dhe kujtimin e çdo gjëje që lexonte vetëm pak momente më herët.
“Ishte si një forcë që ishte mbi mua dhe unë nuk mund ta kontrolloja, si një demon që kishte marrë qenien time”, shkruan ajo në libër.
Burimi: Daily Mail
