E premtja ishte dita më e rëndësishme e Javës së Modës në Paris, pasi Dior prezantoi koleksionin e ri Pranmverë/Verë 2016. Emra të njohur të Hollivudit, muzikës dhe modës mbërritën për të ndjekur nga afër një nga evenimentet e shumëpritur.
Aktorja britanike, Gemma Arterton, 30 vjeç u paraqit e veshur me një fustan të shkurtër, xhaketë gri serioze dhe flokët me onde që e bënin të dukej 10 vjet më e re.
Jennifer Lawrence dukej mjaft sportive me xhinset e përthyera posht gjurit dhe një bluzë të zezë që nxirrte në pah rripat e reçipetave Christian Dior.
E pranishme ishte dhe bashkëshortja e Nicolas Sarkozy, Carla Bruni, një ish-modele 48-vjeçare, që kishte zgjedhur të bënte figurë me një xhaketë kamosh ngjyrë vishnjë dhe pantallona lëkure të zeza.
Natalie Portman, edhe pse shtatzënë nuk mund të mungonte në sfilatën e javës. Ajo kishte mbuluar barkun e rrubullakosur me një pallto të zezë.
Sportive dhe me xhins ishte veshur edhe modelja 42-vjeçare, Kate Moss, e cila kishte të stampuar figurën e Elvis Presley-t në këmishë.
Modelet Natalia Vodianova, Lottie Moss, Karlie Kloss dhe blogerja Chiara Ferragni kishin zgjedhur një look disi klasik.
Aktorja franceze Marion Cotillard zgjodhi mënyrën e duhur për të dalë për herë të parë në publik pas thashethemeve për një raport me Brad Pitt.
E fundit, por jo më pak e rëndësishme, Rihanna dukej e mahnitshme me fustanin e bardhë të punuar me dorë, i gjithi i mbushur me bletë.
