Margot Robbie tregoi stilin e saj fantastik ndërsa mori pjesë në premierën e botërore të filmit “Suicide Squad”, të hënën.
Aktorja veshi një fustan me shkëlqim floriri dhe të zi, me një njëbrirësh unik të dizajnuar në anën e saj të majtë. Fustani ishte dizajnuar nga “Alexander McQueen”, ndërsa për të mos ekzagjeruar paraqitjen, 26-vjeçarja, e cila luan rolin e të devotshmes së Joker, Harley Quinn, kishte zgjedhur një model flokësh të thjeshtë të kapura nga pas.
Ajo iu bashkua kolegëve Will Smith, Cara Delevingne, Jared Leto, Jai Courtney, Viola Davis, Scott Eastwood dhe Joel Kinnaman në teatrin “The Beacon”, në Nju-Jork.
Modelja britanike e kthyer në aktore, Cara Delevingne, zgjodhi një paraqitje që të tërhiqte vëmendjen, me një fustan të shkurtër. Cara, e cila luan rolin e Enchantress në film, u paraqit me një fustan nga Anthony Vaccarello rrjete dhe të lidhur, ku dukej mes të çarave pjesë nga trupi i saj. Ajo kishte shtuar një palë çizme të gjata kamoshi deri të gjuri Christian Louboutin, ndërsa kishte zgjedhur një model flokësh të valëzuar me një buzëkuq të kuq klasik.
Në premier ishte edhe fituesi i “Oscar”-it, Jared Leto, që luan rolin e The Joker.
44-vjeçari veshi një pallto të gjatë blu të zbukuruar me lule rozë te mëngët dhe jakën, me një peshk dhe një dizajn të rosak Donald në pjesën e përparme dhe një luan shumëngjyrësh në pjesën e pasme.
Jared kishte zgjedhur një palë mokasine “Gucci”, varëse dhe një mjekër të gjata, ndërsa pozonte i entuziazmuar me fansat.
*Shfleto galerinë
Burimi: Daily Mail
