Një video e bukur ka qarkulluar prej ditësh në rrjete sociale, i momentit kur Sihana Haxhnika, 16-vjeçarja që konkurroi në “The Voice Australia 2023”.
Këngëtares Rita Ora, e cila ishte në juri, i bëri përshtypje emri dhe mbiemri i Sihanës duke e pyetur nga vinte.
16-vjeçarja i tregoi se ishte nga Kosova, ndërsa Rita u kthye menjëherë të përshëndeste prindërit e saj në shqip.
Si u ndje 16-vjeçarja kur Rita i foli shqip para botës? Ajo ka rrëfyer ndjesitë e saj në një intervistë për “Klan Kosova”.
“Kur u bëra ekipi i Ritës dhe kur ajo e ka kthyer karrigen jam bërë shumë e lumtur dhe e entuziazmuar, gjithmonë e ka dashur Ritën që kur kam qenë e vogël, e lumtur që jemi dy shqiptare dhe do të mund të punojmë bashkë.
Kur më ka pyetur për mbiemër kam filluar të qesh se mbiemri im nuk është një mbiemër që e ka çdo kush, se është i rrallë kur e thash përsëri ajo u shokua se ajo e kuptoi se ishte mbiemër shqiptar dhe kjo më lumturoi”, u shpreh Sihana.
