Dasma e Armina Mevlanit dhe Shkëlzen Berishës fundjavën që lamë pas (25 shtator) u kthye në kryefjalë të mediave rozë.
U komentua gjithçka nga fustanet e blogeres, fjalimet e familjarëve, ushqimi deri tek veshja e të ftuarve sidomos atyre VIP.
Këto të fundit ishin treguar të zgjuar duke mos rrezikuar me ngjyrat dhe duke zgjedhur të zezën për veshjen e tyre. Mirëpo ndër to vëmendjen e mori Eranda Libohova e cila ishte një ndër këngëtaret që i ishte besuar atmosfera e dasmës.
Eranda u vesh kokë e këmbë me të bardha, gjë e cila shkaktoi zhurmë të madhe në rrjet.
Ky detaj nuk shpëtoi pa u diskutuar as në emisionin e mbrëmshëm “Goca dhe Gra”, ku Armina u shpreh se nuk ekzistonte një kusht i tillë nga ajo. Sipas blogeres secili mund të vishte ngjyrën që donte.
“Unë u kam thënë të gjithëve që po të doni vishuni me të bardha, po të doni vishuni me të zeza, unë asnjëherë nuk e ndjej dhe as të dukem mbi të tjerët, edhe ditën e dasmës doja që të gjithë të ndiheshin të bukur,”-tregoi ajo.
Më herët, Armina ka zbuluar se ajo dhe Shkëlzeni e duan vjeshtën dhe kjo është arsyeja që vendosën që dasmën ta bënin në shtator.
Moderatorja e njohur, Armina Mevlani është një figurë shumë e dashur për publikun shqiptar. Ajo shpesh preferon që të komunikojë me ndjekësit e saj dhe më heret, bukuroshja ka vendosur që t’u përgjigjet pyetjeve të ndjekësve të saj.
Pyetjet më së tepërmi lidhen me marrëdhënien e saj të dashurisë me Shkëlzenin.
Pyetja: Çfarë të tërhoqi nga Zeni që i keni rezistuar kaq shumë lidhjes?
“Që në momentin e parë që e kam parë, jam tërhequr pa e ditur fare kush ishte… më pas me kalimin e kohës tek ai gjeta shumë gjëra. Ndajmë të njëjtat këndvështrime për jetën, na pëlqejnë të njëjtat rutina, jemi romantikë, ëndërrimtarë, nëse na lë bashkë kemi gjithmonë diçka për të folur dhe koha kalon shumë shpejt. Plotësojmë njëri-tjetrin gjithmonë. Tek ai kam gjetur një partner në çdo gjë”, theksoi ajo.
