Si u festua Halloween në New Generation

J Caushi Posted On November 5, 2015

Qendra Multifunksionale “New Generation”, e cila ushtron aktivitetin e saj prej 7 vjetësh në Arsimin Profesional, duke patur Make-upin si një ndër prioritetet e saj, ashtu si çdo vit ka organizuar në ambientet e shkollës festën e Halloween-it. Në këtë festë ishin protagonist drejtues të administratës, pedagogë, studentë të vitit të parë dhe të dytë. Përveç mundësisë së argëtimit pa fund që të jep kjo festë, një ndër synimet kryesore të New Generation ishte përfshirja e të gjithë studentëve dhe nxjerrja në pah e fantazisë dhe talentit të tyre edhe për këtë teknikë të veçantë make-up.

Produktet bazë të realizimit të grimit ishin ato të “Face painting” dhe aquacolor, të cilat mundësojnë realizimin perfekt të personazhit të dëshiruar dhe nuk dëmtojnë lëkurën.

Disa ndër personazhet e krijuara nga vetë studentët ishin:

– Kafka,
Duke qenë se shërben si manifestim i vdekshmërisë së njerëzve, frikës nga vdekja ose rrezikut që mund të jetë vdekjeprurës.

– Skeletet,

Duke u kthyer te besimi se “natën e Halloweenit vija ndarëse midis botës së të gjallëve dhe botës së të vdekurve është shumë e hollë”, skeletet janë simbol i shpeshtë i Halloweenit pikërisht për këtë

– Macet e zeza,

Si rimishërim i shpirtrave të njerëzve dhe parashikuese të së ardhmes.

– Shtrigat,

Besohet se fuqitë e shtrigave janë të mëdha gjatë natës së Halloweenit. Mendohet se ato kanë lidhje me djallin. Edhe sot simboli i një shtrige mbi fshesë në një natë me hënë është një ndër simbolet më tradicionale të Halloweenit. etj.

Në këtë formë festa e Halloweenit kaloi me së miri!

New Generation përjetoi për disa orë drithërimat e personazheve mjaft të realizuara…