Princ Harry ka zgjidhur padinë e tij ligjore kundër botuesit të “The Sun”.
Duka i Sussex dhe ish-nënkryetari i Laburistëve, Lord Tom Watson, ngritën veprime ligjore kundër News Group Newspapers (NGN) mbi akuzat për mbledhje të paligjshme informacioni nga gazetarë dhe hetues privatë midis viteve 1996 dhe 2011.
Avokati i Harry-t, David Sherborne tha se palët kishin “arritur një marrëveshje” dhe se NGN i kishte ofruar falje 40-vjeçarit dhe do të paguante “dëmshpërblim”.
NGN i kërkoi Harryt falje për “ndërhyrjen e The Sun midis 1996 dhe 2011 në jetën e tij private”. Ai tha se këto përfshinin “incidentet e aktiviteteve të paligjshme” të kryera nga hetuesit privatë që punonin për The Sun. NGN gjithashtu kërkoi falje për “hakimin e telefonit, mbikëqyrjen dhe keqpërdorimin e informacionit privat nga gazetarët dhe hetuesit privatë” në News Of The World.
