Sot Shqipëria do të ketë ndeshjen e dytë të Evropianit, me Francën! Të gjithë jemi në mbështetje të saj nga kudo që ndodhi, por tifozët kuqe e zi kanë një mesazh për të gjithë ata që ndodhen në Francë për të përkrahur nga afër Kombëtaren.
Një flamur gjigand pritet të shpaloset mbrëmjen e sotme më 15 qershor. Aq gjigand, sa përmasat e tij nuk i përballon as tribuna e stadiumit francez. Disa të rinj kanë punuar për këtë flamur në Prishtinë, duke ngjyrosur një copë gjigande sateni me ngjyrat e flamurit kuqezi. Kjo ide ka marrë përkrahjen e tre shteteve: Shqipëri, Kosovë dhe gjithashtu Franca, e cila e ka lejuar shpalosjen e këtij simboli gjatë garës për Euro 2016.
“Sot (e mërkurë), me fillim nga ora 14.30, ftojmë të gjithë shqiptarët që ndodhen në Marsej të na bashkohen tek adresa: Plages du Prado 13008 Marseille, për të shpalosur flamurin kombëtar. Flamuri është rreth 11.000 m2, kështu që ju ftojmë që të jeni në numër sa më të madh”, shkruan grupi më i madh i tifozëve kuq e zi në “Facebook”.
Flamuri pritet të shpaloset në bregdetin e Marsejës, nga pamundësia për ta shpalosur në shkallët e stadiumit.
