Zgjedhja e një aksesori mundet ta prishë ose ta përmirësojë paraqitjen tuaj. Edhe pse ne mendojmë se bizhuteritë janë neutrale, si çdo gjë tjetër, ka disa prej tyre që janë më të përshtatshme për tonet e lëkurës sesa të tjerat.
Ka shumë arsye të ndryshme që bizhuteritë nuk duken njësoj te njerëz të ndryshëm, por një nga faktorët më të mëdhenj është tonaliteti i lëkurës. Më poshtë do të mund të mësoni sesi të përcaktoni tonalitetin tuaj të lëkurës dhe si të zgjidhni bizhuterinë që ju shkon:
Çfarë tonaliteti ka lëkura jote?
Për të përcaktuar tonalitetin tuaj të lëkurës është më mirë ta shikoni atë në dritë natyrale. Provoni të gjeni një vend ku venat janë të dukshme. Për shumicën e njerëzve, kyçet e dorës janë zakonisht një zgjedhje e mirë. Nëse venat tuaja shfaqen në ngjyrë blu ose ngjyrë vjollcë, ju keni një ton të freskët të lëkurës. Nëse venat tuaja shfaqen në ngjyrë të gjelbër, keni një ton të ngrohtë të lëkurës. Nëse venat tuaja duken blu në disa zona dhe jeshile në të tjerët, ju keni një ton neutral të lëkurës.
Metali
Sapo të keni përcaktuar nëse keni ngjyrë të ngrohtë ose të ftohtë, është e lehtë të gjesh një ngjyrë metali që do t’ju shkojë. Njerëzit me tone të ftohta të lëkurës duken mirë në metalet e lehta ose të bardha si floriri i bardhë, platini dhe argjendi.
Njerëzit me tone të ngrohta të lëkurës duken bukur me të verdhë floriri, bizhuteri prej bakri dhe bronzi.
Guri
Tonet e ftohta të lëkurës duken mirë me ngjyra të ndritshme si të kuqe, blu, vjollcë dhe jeshile, sepse ato sjellin gjallëri në lëkurën e ftohtë. Kështu, ju mund t’i jepini ngjyrë verbuese veshjeve tuaja me një palë vathë të varur “Swarovski”, që përmbajnë gurë të kristaltë blu në zinxhirët delikat në ngjyrë floriri.
Zgjedhja e dytë mund të jetë një kombinim bashkëkohor i materialit të argjendit të trëndafiltë dhe gurëve gri të kristaltë. Dizajni i veshur me stil plotëson çdo veshje.
Tonet e tokës, të tilla si floriri i kuqërremtë, janë ideale për lëkurë të ngrohtë, si trioja e unazave të koleksionit Ginger nga “Swarovski”.
Ky grup përfshin një treshe me unaza ari, me silueta delikate dhe shkëlqim kristali. Unazat mund të vendosen veç e veç ose të gjitha së bashku për pamje plot stil.
Një zgjedhje e dytë, por jo më pak e rëndësishme është byzylyku elegant dhe femëror i koleksionit Ginger nga “Swarovski”, në ngjyrë floriri tipike për tonalitetet e ngrohta të lëkurës.
Burimi: Iconstyle.al
