Gjithkush ka një ide për Nju-Jorkun, por jo të gjihtë e dinë se si të vishesh si një njujorkeze. Në përgjithësi njujorkezet kanë një stil të lehtë, që nuk para i bie në sy një turisti. Gjithsesi, veshjet dhe kombinimet e mëposhtme janë ndër më të përdorurat dhe më në stilin e tyre:
Xhaketa e lëkurës
Nuk ka rëndësi nëse jeni në qendër apo në periferi të qytetit, një xhaketë lëkure ka gjithmonë vendin e vet. Ajo i jep veshjes tuaj një avantazh të caktuar që ju identifikon me shokët/shoqet e Nju-Jorkut.
E zeza është ngjyra e duhur
Shumë ngjyra shkojnë e vijnë, por e zeza nuk del kurrë jashtë stilit. Vendasit në Nju-Jork janë të vetmit që nuk e braktisin këtë ngjyrë. Nuk mund të humbni kurrë të veshur me këtë ngjyrë.
Takat e larta
Kur flasim për këpucët, nuk nënkuptojmë rehati. Bukuri do të thotë dhimbje, edhe në qoftë se do t’ju duhet që të ecni anembanë qytetit majë takave.
Mos harroni çantën
Një gjë që kurrë nuk duhet ta harrojë një grua në Nju-Jork është çanta e saj. Është një investim i nevojshëm të cilit nuk mund t’i shpëtosh. Nuk ka rëndësi nëse është një klasike Chanel, e blerë online ose në treg. Nuk ka lidhje me çmimin, por me angazhimin tuaj ndaj çantave dhe stilin.
