Çizmet e gjata mbi gju janë një dashuri e vërtetë dhe të nxjerrin gjithmonë nga situata. Ato janë cilësuar si çizmet më “in” të sezonit dhe nuk duhet të mungojnë në gardërobën tonë. Me një kombinim të bukur ato mund t’i mbani në çdo moment të ditës dhe do të dukeni “cool”.
Të famshmet shqiptare i kanë përqafuar menjëherë këto çizme dhe na kanë sjellë edhe mënyrën e preferuar të tyre të kombinimit.
1.Flaka Krelani është një ndër personazhet e famshme që i dashuron çizmet e gjata sipër gjurit. Në qoftë se hyni në rrjetet e saja sociale do të gjeni foto pa fund ku ajo shfaqet me çizme të gjata. Me fund të shkurtër, me bluza të gjata apo të shkurtra, madje edhe me tuta sportive janë disa nga kombinimet që na sugjeron Flaka. Disi të çuditshme, por të bukura për t’u parë nga syri. Ju do të guxonit t’i vishnit kështu?
2.Këngëtarja Jonida Maliqi është shndërruar në një blogere të famshme dhe çdo gjë që ajo vesh është një sugjerim i bukur për të gjithë. Çizmet e gjata Jonida ka preferuar ti kombinojë me një fustan të gjatë apo me një bluzë të shkurtër, streçe dhe një xhup të gjatë. Një kombinim që mund ta vishni në çdo orar të ditës dhe do të dukeni bukur.
3.Fashionista e njohur Erisa Kaçupi ka guxuar me një palë çizme të gjata të kuq. Një dashuri e vërtetë, por pak e vështirë për t’i kombinuar. Erisa ka zgjedhur të kombinojë çizmet e kuqe me një fustan seksi ngjyrë blu dhe rezultati është një mrekulli. Një pamje perfekte që çdokush do ta dëshironte.
4.Në gardërobën e blogeres së njohur Armina Mevlani nuk kemi vetëm një palë çizme të gjata, por disa me ngjyra të ndryshme. Çizmet e gjata dhe një fustan seksi është kombinimi më i preferuar i Arminës.
5.Fustanet e shkurtët me lule dhe çizmet e zeza të gjata janë dashuria më e madhe e prezantueses së njohur Arjola Shehu.
6.Kejvina Kthella velina e njohur e emisionit “Xing me Ermalin” është dalluar gjithmonë për fotot e saja provokuese. Edhe kombinimin e çizmeve të gjata e ka përshtatur me një stil provokues.
7.Ledina Çelo është një ndër këngëtaret shqiptare që nuk njeh moshë. Linjat e saj perfekte mund të krahasohen me të një 20-vjeçare. Çizmet e gjata janë të pranishme në gardërobën e saj dhe ajo ka zgjedhur një stil praktik të kombinimit. Një palë çizme të gjata mbi pantallona, një xhaketë dhe dukesh e veshur bukur gjatë gjithë ditë.
8.Këngëtarja Argjentina Ramosaj është një sugjerim shumë i mirë për mënyrën e kombinimit të çizmeve të gjata. Ajo ka zgjedhur një veshje plot stil të cilat mund t’i përshtatni sipas orarit dhe ambientit në të cilin jeni dhe do të dukeni më “trendy” se kurrë më parë.
9.Angela Martini, modelja shqiptare me famë botërore është dalluar gjithmonë për jetën dhe stilin e saj të çmendur. Një palë çizme të gjata, një fustan seksi dhe një pellush i bardhë dhe do të dukeni yll të bukura.
10.Moderatorja Marina Vjollca ka të preferuarat e saj një palë çizme të gjata me shkëlqim, të cilat i ka kombinuar me një bluzë të gjatë të bardhë.
Burimi: Iconstyle.al
