Për ne njerëzit e thjeshtë, personazhet e njohur të televizionit, kthehen në idhuj. I ndjekim në çdo gjë që bëjnë dhe çdo gjë që veshin, saqë shpesh herë mundohemi të bëhemi si ta.
Ka shumë persona që shpenzojnë për t’u dukur si Kim Kardashian apo si Jennifer Lopez. Megjithatë, ka dhe njerëz që nuk kanë nevojë të bëjnë asgjë, sepse kanë lindur me tipare të ngjashme si të famshmit e tyre të preferuar.
Iconstyle.al do të sjellë sot ngjashmëritë e të famshmëve shqiptarë me të famshmit e huaj. Stili në të veshur, flokët dhe makijazhi luajnë një rol të rëndësishëm këtu, ndaj dhe mos u çudisni nëse në fotot e mëposhtme nuk do t’i dalloni personazhet.
Dhurata Ahmetaj dhe Jennifer Lopez
Ajo është përfolur shpesh herë për një ngjashmëri me yllin e muzikës, Jennifer Lopez. Dhe në të vërtetë, këngëtarja shqiptare Dhurata Ahmetaj ka një ngjashmëri të paparë me JLo, veçanërisht në fytyrë. Gjithçka nisi pas publikimit të klipit “Gabim” në 2016-, ku shihet se Dhurata është munduar të kthehet në një JLO në look-un e saj.
Rita Ora dhe Jasmine Sanders
E njohin si Golden Barbie por emrin e vërtetë e ka Jasmine Sanders. Është ndër femrat më të bukura dhe në Instagramin e saj ka 2.8 milion ndjekës. Shumica e fansave në çdo foto të sajën komentojnë se duket identike si këngëtarja shqiptare me famë ndërkombëtare, Rita Ora. Ato vërtetë duken identike. Të dyja janë bjonde edhe të dyja janë seksi. Tek fotoja do shikoni ngjashmërinë e madhe mes tyre.
Fjolla Morina dhe Kim Kardashian
Ishim mësuar ta shikonin gjithnjë me flokët e zeza, por flokët bjondë jo vetëm që e tjetërsuan pamjen e saj, por edhe i dhanë një ngjashmëri të paparë me Kim Kardashian. E pyetur për këtë ngjashmëri, Fjolla ka thënë për “Gazetën Shqiptare” se nuk e ka pasur fare këtë qëllim. “Asnjëherë nuk e mendoj që t’i ngjaj dikujt, e aq më tepër Kim Kardashian. Unë nuk i ngjaj askujt përveç vetes”, është përgjigjur ajo.
Dorina Gegiçi dhe Adriana Lima
Ajo është përfolur për ngjashmërinë e madhe me një prej supermodeleve të “Victoria’s Secret”. Në njërën prej fotove të postuara në profilin e saj të “Instagram”-it, ngjashmëria mes Dorinës dhe Adriana-s është e dukshme dhe ndoshta për këtë ndikojnë edhe buzët e kuqe, një tipar për të cilën njihet modelja botërore. Gjithsesi, nëse e shohim Dorinën me flokët e saj në ngjyrë lajthi, ndoshta nuk kemi të njëjtin mendim.
Klea Huta dhe Nicole Scherzinger
Të dyja brune, me trupin e gjatë dhe me linja të rregullta. Çfarë mund të themi për to, veçse kanë një ngjashmëri të paparë. Në fotot e saj të fundit, moderatorja dhe këngëtarja shqiptare Klea Huta na jep përshtypjen e një Nicole Scherzinger shqiptare. Madje edhe buzëqeshjen e kanë thuajse të njëjtë!
Xhesika Berberi dhe Gigi Hadid
Modelja Gigi Hadid, aktualisht është një prej bukurosheve më të njohura në botën e modës. Megjithatë vajza e biznesmenit Mohamed Hadid dhe Yolanda Hadid nuk është unike në bukurinë e vet. Ajo ka një sozi në Shqipëri dhe tashmë këtë e dinë të gjithë. Është fjala për Xhesika Berberin, e cila është po ashtu një modele e suksesshme, ndërsa para disa vitesh ka qenë edhe “Miss Shqipëria”. Ngjashmërinë e tyre shikojeni në foton e mëposhtme.
Eralda Hitaj dhe Angelina Jolie
Eralda Hitaj ka kohë që i mungon ekranit shqiptar, megjithatë ajo është një ndër vajzat e para që është krahasuar me aktoren Angelina Jolie. Sytë me ngjyrë, buzët e plota dhe forma e fytyrës e bëjnë atë të ketë një ngjashmëri të madhe me aktoren e njohur të Hollivudit. Që prej konkurrimit në “Miss Universe” në Kaliforni, emri i “Jolie” e ka ndjekur kudo. Eralda ka punuar si moderatore në një prej programeve në Top Channel, “Select”.
Orinda Huta dhe Paris Hilton
Sytë bojëqielli dhe flokët bjonde i bëjnë ato të duken si dy kukulla Barbie. Orinda Huta dhe Paris Hilton e gjejnë pikërisht te këto tipare ngjashmërinë e tyre. Nuk besojmë se nëse do të shihnim ndonjërën në rrugë, do ta ngatërronim me tjetrën, por në fotot që kemi përzgjedhur vihet re njëfarë ngjashmërie.
