Në çdo marrëdhënie konfliktet janë të pashmangshme. Por psikologët japin disa këshilla se si mund të grindeni në mënyrë të shëndetshme më partnerin.
Vini re kohën e grindjeve më të shpeshta për të kuptuar arsyen
Gjatë terapive në çift, psikoterapistët kanë dalë në përfundimin që orari i zënkave më të shpeshta është ai pas pune (sidomos rreth 16:00-18:00) kur sapo arrin në shtëpi ose sapo nis biseda virtualisht, duke patur thuajse të njëjtat arsye “pse s’po më pyet se si e kalova në punë; pse s’po interesohesh për ditën time?”
Përcaktoni një orar/moment për çdo konflikt
Duket e çuditshme si këshillë, por psikologët kanë provuar që në rast të nisjes së një debati gjëja më e mirë që mund të bëhet është të shtyhet për një moment të dytë duke thënë diçka të tipit “e diskujtojmë pas darke; mendoj ta diskujtojmë më mirë nesër në mëngjes” etj, gjithmonë në varësi të problematikës.
Kërkoni pushim
Për thuajse të njëjtat arsye si më sipër, këshillohet që gjatë një debati nëse vini re që situata po shkon “në drejtim të paditur” e mira është të kërkoni pak minuta pushim, sa për t’u qetësuar dhe për të reflektuar mbi situatën.
Bëj kërkesë, jo ankesë
Përgjithësisht grindjet nisin me fjalët “ti gjithmonë…” në vend që të thuhet drejt kërkesa që ke “do doja që ti të bësh këtë gjë për mua…” dhe problemi është se njerëzve iu duket më e thjeshtë që të ankohen pse partneri/ja nuk e bën kurrë diçka sesa ta kërkojnë vetë.
