Kush investon në Greqi 250 mijë euro në pasuri të paluajtshme, e ka në xhep pasaportën e BE-së. Kësaj ftese deri më tani po i përgjigjen me kënaqësi shumë kinezë, rusë apo turq.
“Ka kontrolle të rrepta, që ndërmerren nga ambasadat dhe bankat për prejardhjen e parasë dhe kurikulumin e njerëzve. Mos harroni, se ka raste në të cilat verifikimi zgjat dy vjet. Do të habitesha nëse do të kishte edhe vetëm një rast të vetëm, në të cilin të jetë konstatuar kundërvajtje e megjithatë të jetë lëshuar viza e artë”, tha shefi i “Enterprise Greece” për “DW”.
Megjithatë biznesi me vizat e arta është në bum dhe kërkesat rriten vazhdimisht. Nikos Sepentzis është sekser dhe vazhdimisht në lëvizje me partneren e tij kineze të biznesit. Sekserët presin shumë të interesuar në Athinë. Sipas bashkëshortes së tij, disa njerëz që kanë shumë para, janë të interesuar për mobilie luksi, ndonëse ata duan vetëm të marrin vizën e artë. Nikos Sepenzis shton: “Ata nuk interesohen vërtetë për shtëpinë, ata duan të investojnë 250 mijë euro, sepse kjo u mjafton për lirinë e lëvizjes në BE”.
Në fakt kinezët lejohen të nxjerrin vetëm 50 mijë euro për person nga vendi. Por sekserët e thonë hapur, se gjenden gjithmonë rrugë për t’u devijuar rregullave. Gati 10 mijë pasaporta janë lëshuar vitin e kaluar, e kësisoj janë derdhur rreth 1 miliard euro në arkën greke.
Burimi: DW
