E gjatë deri në fund të këmbëve, treçerekshe, me rrip në mes apo me dopio kopsë, ç’rëndësi ka!
Palltoja camel gëzon reputacionin më të madh të momentit si palltoja më “in”e sezonit të dimrit 2018-2019 dhe për ju që e keni një të tillë, kjo nuk është fare surprizë.
Palltoja e pranon stilin klasik dhe atë casual ndaj dhe ideja është si ta kombinojmë çdo ditë, për të krijuar diversitet në look-un tonë dimëror.
Për këshilla stili dhe kombinimi, “Iconstyle.al” kontaktoi me fashionistan e njohur Alba Hodo, e cila sjell sot 3 kombinime të ndryshme të palltos në fjalë.
Kombinimi i parë vjen me një stil parisien, me vëmendje të madhe në aksesorët shoqërues. Alba ka zgjedhur një Beretë, një rrip dhe çizmet në ngjyrë vishnjë që thyejnë veshjen monochrome, të një fundi të gjatë dhe golfi në ngjyrë bezhë.
Palltoja e hedhur krahëve kombinon më së miri edhe me çantën në ngjyrë mjalti dhe vathët gold.
Kombinimi i dytë vjen me ngjyrat neon kaq në modë për sezonin dimëror. Pulovra në ngjyrë portokalli thyen ngjyrat neutrale të palltos camel dhe pantallonave bardhezi, duke na dhuruar një look mjaft vibrant.
E kush tha që e zeza nuk shkon gjëkundi në këtë look? Këpucët me takë janë perfekte dhe plotësojnë look-un casual.
Kombinimi i tretë është mjaft klasik. Alba ka zgjedhur të vishet nga koka te këmbët me të zeza. Pantallonat serioze me gjatësi deri të kyçi i këmbës, xhaketa e zezë, kapelja dhe golfi në të njëjtën ngjyrë thyhen me pallton camel dhe çantën në ngjyrë mjalti.
Në çdo look nuk mungon detaji i bizhuterive në ngjyrë të artë që e bëjnë edhe më të pasur look-un tuaj.
/Iconstyle.al
