Dilemë e përhershme! Si të përballohet takimi i parë me ish të dashurin/dashurën pas ndarjes? Mbase është në një lidhje tjetër. Si të veprosh nëse i takon së bashku?
Është më së miri të jeni të gatshëm të përballeni me të gjitha këto situata, në mënyrë që të mos kapeni në befasi. Disa këshilla sit ë silleni:
Nuk është e domosdoshme të takoheni
Gjithmonë duhet ta keni parasysh që është krejtësisht në rregull ta injoroni ish-in, nëse e shihni edhe nëse mendoni se nuk jeni të gatshme për t’u takuar. Nëse mund ta shmangni takimin dhe mendoni se kjo është zgjidhja më e mirë, veproni kështu pa menduar shumë. Nuk keni asnjë obligim ndaj tij/saj.
Mos u angazhoni shumë
Mos u përpiqni të vini në pah se sa mirë po ndiheni që kur jeni ndarë. Bisedoni shkurt me të, dëgjojeni se çfarë mund t’ju thotë dhe vazhdoni rrugën tuaj.
Silluni normal
Nëse është me një partner/e, silluni normalisht, mos u bëni të pasjellshëm dhe të krijoni përshtypjen që ai/ajo po iu pengon, por as mos aktroni që jeni i/e kënaqur me këtë, sepse të gjithë e dinë që nuk është ashtu.
Largohuni vetë para
Është më mirë nëse e inicioni ju ikjen dhe thoni se keni për të përfunduar disa punë. Kështu do të krijoni përshtypjen që e keni përballuar ndarjen.
