Ai që tradhton, tradhtohet nga vetë trupi i tij.
Nëse dyshoni se burri apo i dashuri juaj ju tradhton, tregohuni më shumë vigjilente me qëndrimin e tij të trupit, sesa me kë shoqërohet apo kujt i shkruan në celular.
Eksperti i gjuhës së trupit, Patti Wood, shpjegon për “The Independent” se ‘tërheqja dhe seksi mund të rrisin nivelet e testosteronit dhe të krijojnë ndryshime të dukshme në trup’.
Sipas tij, një qëndrim dominant nuk do të thotë domosdoshmërish se mashkulli është i pabesë, prandaj mos e akuzoni partnerin tuaj se ‘fryhet’ më shumë se zakonisht, por nëse krejt papritur qëndrimi i tyre ka ndryshuar, mund të jetë tregues i diçkaje më serioze.
Hapja normale e këmbëve kur qëndron në këmbë është ajo në gjerësinë e shpatullave. Pak më të hapura dhe tregojnë që personi ndihet me këmbë në tokë dhe ka vetëbesim.
Nëse ai qëndron me këmbë dukshëm më të hapura se shpatullat, kjo është një përpjekje e ndërgjegjshme për të bërë trupin të duket më i madh dhe më i gjerë dhe kjo sipas ekspertit të gjuhës së trupit është shenjë fuqie dhe dominance. Duke hapur këmbët më shumë se normalja duket sikur kanë përgatitur trupin para çdo sulmi dhe sipas Wood, ‘nënkupton që ka një person tjetër për të ruajtur’.
