Justin Bieber bashkë me bashkëshorten e tij, Hailey Bieber, takuan së fundmi presidentin francez Macron, në Paris.
Këngëtari u shfaq si rrallëherë me kostum, gjithsesi ai u kujdes të ruajë personalitetin dhe stilin e tij të veçantë. Ai e kombinoi veshjen me një palë atlete bojë-qielli “Nike”. Nga ana tjetër, Macron mbante veshur një kostum elegant gri, ndërsa 68 -vjeçarja Brigitte një fustan elegant të bardhë dhe 24-vjeçarja Hailey një fustan në ngjyrë bezhë të errët.
Sipas Daily Mail , ishte Bieber ishte ai që kërkoi takimin me presidentin francez dhe me rastin e udhëtimit të tij në Paris, dy burrat diskutuan “çështje në lidhje me të rinjtë “.
Kujtojmë se Hailey dhe Justin Bieber po shijojnë në maksimum dashurinë e tyre, të cilën e kurorëzuan me martesë në vitin 2018-të. Asokohe të dy ata ishin shumë të rinj në moshë për të marrë një vendim aq të madh për jetën, ndaj u komentuan gjerë e gjatë për këtë fakt.
Më herët, Hailey ju është përgjigjur të gjithë skeptikëve për martesën e tyre në moshë të hershme dhe ka treguar se çfarë i shtyu të dy të shkonin drejt celebrimit. Kur vendosën të martoheshin Hailey ishte vetëm 21 vjeçe, ndërsa Justin 24.
“Ne ishim shokë shumë përpara se historia të bëhej romantike. E dinim se kishim diçka që na lidhte dhe për atë çfarë donim për të ardhmen tonë. Flisnim shpesh për vendimin e martesës në moshë të re. Diskutonim dhe donim një familje të madhe në moshë të vogël. I dinim këto gjëra pa ditur ende se donim të ishim me njëri-tjetrin. U martova kur isha vetëm 21 vjeç, 2 muaj para se të bëhesh 22 që është një moshë çmendurisht e re për diçka të tillë. Duket qesharake kur e thua me zë të lartë, por për mua dhe Justin tingëllon ndryshe”, ka thënë ajo.
