Ish-bashkëshortja e Channing Tatum, aktorja Jenna Dewan, i dha fund beqarisë me partnerin e saj prej dy vitesh, aktorin Steve Kazee.
Në llogarinë e saj në Instagram, Jenna ndau me ndjekësit një foto ku njoftonte për lajmin e bukur të fejesës me një foto me partnerin.
Në dorën e saj dallohej qartë unaza me të cilën Kazee i kishte propozuar, ndërsa ajo shkruante krahas fotos:
“Një jetë për të të dashur dhe për t’u rritur me ty. Ti ke zemrën time”
https://www.instagram.com/p/B8u4uo-BBvK/?utm_source=ig_embed
Lidhja e Jenna-s me Steve u bë publike në muajin tetor të vitit 2018, pasi ajo firmosi dokumentat e divorcit me ish-partnerin , Tatum.
Ky i fundit ka reaguar pas lajmeve të fejesës së ish-gruas, duke u shprehur shumë i lumtur për të.
Sipas “E”News”, Channing ka gjithmonë një vend të veçantë për Jenna-n në zemrën e tij.
“Channing është tepër i lumtur për fejesën e Jenna-s. Ai e ka shprehur shumë herë se është i lumtur që Jenna është mirë dhe ka ecur përpara.”- kanë treguar burimet pranë aktorit.
Jenna dhe Channing janë prindër të një vajze 6-vjeçare të quajtur Everly, ndërsa tashmë aktorja është në pritje të ëmbël të fëmijës së saj me Kazee.
