Deklarata e imamit Elvis Naçi për gratë dhe tradhtinë bashkëshortore, u kthye në kryefjalën e mediave një muaj më parë ku video e deklaratës së tij bëri xhiron e rrjetit.
Ai këshillonte gratë për të mirëmbajtur veten e tyre, pasi në të kundërt sipas Naçit, burri do t’i tradhtonte.
Për të folur lidhur me këtë çështje e të tjera, Elvis Naçi ka qenë i ftuar mbrëmë në emisionin “n’Kosovë show”. Nga fundi i intervistës, në studio u shfaqën surprizë bashkëshortja, Fatma dhe vajza e imamit.
Intervistës iu bashkua edhe bashkëshortja e cila përveçse shumë simpatike, u shpreh me fjalët më të larta për bashkëshortin.
E pyetur për deklaratën e Elvisit, Fatma tha se Elvisi në radhë të parë i është drejtuar asaj.
“Unë sa herë ai i thotë këto deklarata, e di që adresa e parë jam unë, edhe mundohem… Nuk mund të flas më shumë për veten”, u shpreh ajo.
“Shpresojmë mos të bëhesh 150 kile se mund të kemi probleme”, i tha moderatori. Fatma qeshi ndërsa Elvisi tha me humor: “Edhe unë po ruhem që mos të shkoj aq”.
