Kantautori Redon Makashi nuk është fejuar. Lajmi që u publikua më herët nuk ishte i vërtetë dhe për këtë, ka reaguar vetë Redoni.
Ai ka thënë se nuk ka asnjë lidhje me vajzën në foton që qarkulloi kudo.
Kantautori përgënjestroi lajmin duke thënë se lajmi që po qarkullon në media në lidhje me jetën e tij private nuk është i vërtetë.
“Përgënjeshtrim! Lajmi që po qarkullon në disa portale në lidhje me jetën time private nuk është i vërtetë. Dëshiroj të sqaroj publikun tim se unë nuk kam asnjë lloj lidhje me personin që shfaqet në foto krah meje!”- shkroi kantautori.
Gjithashtu, faktoje.al ka kontaktuar me vajzën që u tha se Redoni ishte fejuar, pikërisht balerina Rexhina Çuko.
“Ju lutem mos shkruani më asgjë. Mjaftojnë kaq lajme! Ju falenderoj për mirëkuptimin”, theksoi ajo.
Kujtojme se fotoja e tyre më herët u publikua nga Intervista.al
Dy vite më parë, Redon Makashi hapi zemrën, duke rrëfyer se është i dashuruar, por nuk zbuloi emrin e identitetit të gruas që i kishte rrëmbyer zemrën. Këngëtari i njohur u shpreh asokohe se orët e beqarisë kanë përfunduar dhe ka ardhur koha për të provuar martesën, ndërkohë që tashmë është rreth të 50-tave.
“Ka ardhur limiti i limiteve, do vendos edhe unë. Edhe ata që janë të martuar, janë të pakënaqur, edhe të pamartuarit po. Unë do ta provoj një herë martesën, e kaluam gjithë kohën, i morën me vete të gjithë orët e beqarisë, tani ka ardhur koha. Normal që jam i dashuruar!”, tha ai i ftuar në emisionin “Rudina”.
