Më herët këtë javë, bëri super bujë një video e postuar nga Shqipe Hysenaj ku ajo thoshte se “demaskonte” Andin. Shqipja ka publikuar sot disa mesazhe zanore që Andi i ka dërguar në WhatsApp, që vërtetojnë të kundërtën e mbështetjes së tij për Tean kur kjo e fundit ishte përplasur me Shqipen.
Shkak i reagimit të Shqipes është bërë deklarata e nënës së Andit që shprehet se djali i saj s’ka patur asgjë me atë, por donte vetëm të shihte reagimet e Teas. Në mesazhet e publikuara prej saj, Andi shprehet se pas Teas nuk ka dalë sepse i interesoi shumë ajo që e preku atë, por për diçka tjetër. Për ta nxjerrë situatën në favor të Shqipes.
Kjo e fundit shkruan se mes tyre ka patur ndjenja që u shuan më vonë. Por, nuk janë tallur që të bëjnë xheloze Tean.
Ajo shprehet se Andi është mashkulli më i pafytyr që ka njohur dhe i kërkon të jetë realist. Madje në një pjesë ai e cilëson veten si “burri i Shqipes”, kur i thotë tu tregojë familjarëve të saj të vërtetën siç është.
Mesazhi i plotë i Andit:
O sa inat më vjen kshu. Po ti pse nuk ja tregon historinë tamam se si ishte? Unë me vërte dola mbrapa Teas, po unë dola për diçka mbrapa Teas,nuk dola se më interesoi shumë ajo pjesë. Unë dola për të përfitu ti një gjë.Për këtë arsye dola dhe pastaj sa mbarova me Tean erdha direkte te ty. Sa i thashë dy llafe, sa e bëra të reagojë ndaj gjërave që tha që dilte komplet situata në përfitimin tënd. Unë për këtë u përpoqa edhe erdha direkte te ty. Ty edhe të argumentova çdo gjë tashi. Pse nuk ja shpjegon? Derisa janë familjarët e tu, tregoji gjërat tamam siç janë nuk ke pse e kalon situatën duke qesh. Se tek e fundit burri jot është ai po përgojojnë, kështu që përpiqu ta rregullosh situatën.
As Tea dhe as Andi nuk kanë reaguar rreth këtyre videove. As dje në emision nuk u komentua pasi episodi është regjistruar para publikimit të tyre. Tea dhe Andi ishin për herë të fundit në “Për’puthen”, duke treguar se dëshirojnë të njihen më mirë jashtë, pa presionin e publikut, kamerave, konkurrentëve të tjerë e opinionistëve.
E gjithë situata pritet të sqarohet të dielën në ‘Për’puthen Prime’, teksa një lëvizje që Tea ka bërë sot në Instagram tregon shumë rreth marrëdhënies së saj me Andin. Bukuroshja bjonde ka postuar një video ku shihet me opinionistin Arjan Konomi duke u shprehur “Ky është djali më i mirë këtu nga të gjithë”, ndërkohë ai ia kthen “Dhe unë do luftoja për ty, po s’kam çfarë të bëj!” Dhe Tea që vazhdon “Më ka zënë Andi.”
Kjo tregon se ata vijojnë ende bashkë pa u shqetësuar për bombat e Shqipes, pasi në të kundërt Tea nuk do e kishte publikuar një video të tillë. Kujtojmë se megjithëse ende s’kemi parë një puthje mes tyre në ekran, Andi ka treguar në një emision në Top Albania Radio se janë drejt fejesës.
