Një fotografi e realizuar në tregun e Kombinatit në Tiranë, po bën xhiron e mediave më prestigjioze në SHBA.
Autor i fotos është Florion Goga, fotografi shqiptar i cili punon për Reuters.
Në të shfaqet një femër me maskë dhe doreza që është duke hyrë në treg përmes tunelit dezinfektues, i cili është vendosur në kuadër të masave për parandalimin e përhapjes së koronavirusit në vend.
Reuters, NBC News si dhe Washington Post, NY Times, i bëjnë jehonë masave të ndërmarra në vendin tonë kundër COVID-19, ndërsa shkruajnë për transformimin e një dite pazari nga frika e virusit.
Tuneli dezinfektues u vendos nga e hëna në treg, pas vendimit të kryeministrit për të krijuar kordonët sanitarë në tregje, për të respektuar distancën fizike.
Tregu është me një kalim, dhe asnjë nga qytetarët nuk është lejuar të hyjë pa maskë dhe pa doreza, pasi janë pajisur nga punonjësit e bashkisë me mjetet e mbrojtëse.
