Ditën e djeshme, revista “Who” bëri me dije se çifti i famshëm i “big Brother VIP Kosova”, Vivien dhe Getinjo, po bëhen prindër për herë të parë.
Flitej se dyshja po shkëputej nga rrjetet sociale për të shijuar në privatësi pritjen e ëmbël, mirëpo vetë Vivi i ka mohur sot këto zëra.
Në një prononcim për “Prive”, ajo ka thënë se nuk është shtatzënë.
“Nuk janë lajme të vërteta. Nuk e di nga e kanë nxjerrë këtë si lajm”- është shprehur ish-konkurrentja e “BBVK”.
Pavarësisht lajmeve të ndarjes apo shtatzënisë që kanë qarkulluar në rrjet, Vivien dhe Getinjo vazhdojnë ta shijojnë romancën e tyre. Vivien qëndron shpesh në shtëpinë e reperit në Kosovë, ndërsa nuk mungojnë as pozat herë pas here së bashku në rrjete sociale.
