Prej gati 2 muajsh, Fjolla Morina është në kërkim nga policia shqiptare, pasi theu “arrestin e shtëpisë”. Këngëtarja u arratis nga shtëpia e saj në Kukës ku duhej të kalonte izolimin dhe deri më tani policia nuk ka rënë në gjurmët e saj, pavarësisht se Fjolla nuk e ka fshehur kurrë vendodhjen. Këngëtarja ka qenë mjaft aktive këto kohë në rrjete sociale dhe së fundmi ka treguar se ka qenë me pushime në Dubai me partnerin, Fisnik Sylën.
Ky udhëtim u bë shkak që ndjekësve të saj t’ju lindin dyshime se Fjolla është shtatzënë për herë të tretë. Në disa foto ajo është shfaqur me barkun më të fryrë se zakonisht dhe menjëherë nisën aludimet se ajo është në pritje të ëmbël.
Dyshimet i shtoi më shumë partneri i saj, Fisniku, i cili ndau në InstaStory një video të Fjollës ku barku i rrumbullakosur i dukej akoma më i madh. Madje, kur e kupton që Fisniku po e filmon, Fjolla vendos dorën tek barku dhe e fërkon atë.
Megjithatë, Fjolla i ka hedhur poshtë të gjitha dyshimet duke mohuar për “Revistën Who” se ajo është shtatzënë për herë të tretë.
Ndërkohë kujtojmë se Fjolla është nënë e 2 vajzave të tjera, Lediana dhe Alayah, të cilat kanë ardhur në jetë nga marrëdhëniet e saj të mëparshme.
