2 muajt e fundit, Alex Rodriguez ka jetuar si një burrë beqar pasi ai dhe Jennifer Lopez vendosën të ndaheshin në muajin prill. Por shumë kanë nisur të dyshojnë se Alex ka nisur një lidhje të re, pasi është parë në shoqërinë e ish-it të Ben Affleck, Lindsay Shookus, në ditëlindjen e saj në 19 qershor.
Page Six raporton se 45-vjeçari është ulur pranë saj gjatë një feste private në Hamptons. Ky afrim i madh mes Rodriguez dhe Shookus zgjoi interesin e të gjithëve.
Një burim pranë Rodriguez ka treguar për mediat e huaja se ai s’ka ndërmend të takohet me asnjë tjetër për disa kohë, apo të nisë diçka të re.
Duket se ish-partneri i J.Lo kërkon fillimisht të marrë veten nga ndarja, për të qenë më pas i gatshëm për një marrëdhënie tjetër.
Ndërkohë pas bujës së madhe që ka shkaktuar lajmi i ribashkimit të J.LO me Ben Affleck, Alex Rodriguez thuhet se ka marrë me qira një rezidencë prej pesë milionë dollarësh në Bridgehampton në Long Island të New York-ut, e cila është vetëm tre minuta larg nga shtëpia e yllit të muzikës.
Mësohet se ish-lojtari i bejsbollit ka harxhuar plot dhjetë milionë dollarë në Water Mill për qiranë.
Sipas burimeve Alex është vendosur në shtëpinë e tij të re pasi dhe gjatë fundjavës kishte ndarë disa video. Nga pamjet shihet se apartamenti është tejet luksoz ku përfshihen shtatë dhoma gjumi dhe 11 tualete.
