Çfarë po mendon Alex Rodriguez vallë?
Nuk e dimë për të, por ne na ra pika kur pamë fotot më të fundit të këngëtares Jennifer Lopez e cila veshi një fustan aq të hapur saqë vetëm fustan s’mund ta quajmë.
Diva e muzikës tregoi edhe njëherë se ka linjat më perfekte që do të dëshironte çdo femër, për të mos folur për celulitin, të cilin nuk e njeh në fjalorin e saj.
49-vjeçarja kishte veshur një fustan Valentino me temina në ngjyrë jeshile, i hapur në pjesën anësore, që i shfaqte të pasmet e ngritura dhe këmbët e tonifikuara.
Por Lopez këmbëngul se imazhi i trupit nuk është diçka që e ka menduar ndonjëherë.
“Unë nuk e kuptoja atë që po bëja – isha thjesht vetvetja. Në familjen time, format e bëshme lëvdohen dhe janë pjesë e kulturës”, shprehet ajo për “InStyle”.
Kur ishte adoleshente këngëtarja nuk i kishte aspak idhull modelet e masës 0 të “Vogue”, madje as nuk i vinte re ato.
