Një pëllumb është kapur mat në burgun e Lezhës, pasi në kurrizin e tij, midis flatrave iu gjet e lidhur një qese e zezë me një telefon celular, dy skeda SIM dhe një karikues.
Policia e Burgjeve dhe SHKBB, menjëherë kryen veprimet procedurale për zbardhjen e ngjarjes për të identifikuar se kush ishte personi që do të merrte telefonin.
Vitin e fundit si pasojë e shtimit të masave dhe rritjes së kontrolleve janë zbuluar dhe sekuestruar mjaft sende që familjarë dhe të afërm të të dënuarve tentonin që t’i fusnin brenda burgut me metoda nga më të ndryshmet, mes tyre duke përdorur pëllumbat që nga korrierë të lajmit, janë kthyer në korrierë të celularëve apo drogës, raporton “Shqiptarja.com”.
