Prej më shumë se një viti, këngëtarja Genta Ismajli dhe partneri i saj turk Usta po shijojnë lidhjen e tyre të dashurisë.
Genta ka treguar më herët se ata janë ndeshur fare rastësisht bashkë dhe se më pas i ka ndihmuar “google translate” dhe nëna e këngëtares për t’u njohur më tepër.
“Ishim për një darkë me miq të përbashkët në një restorant në Kosovë. Aty u pamë dhe komunikuam për herë të parë… Duhet të jemi parë me njëri-tjetrin për 10-15 minuta, më pas ai nisi të bëjë një trëndafil me letër, me pecetë. U çua në këmbë dhe ma dhuroi në mes të një tavoline mbushur plot me miq të njohur dhe të panjohur dhe unë e pranova.”- ka thënë më herët këngëtarja.
Pra, gjithçka mes tyre nisi me një trëndafil prej letre, të cilin Usta vazhdon t’ia dhurojë partneres edhe sot.
Në InstaStory, Genta ka treguar se i dashuri turk i ka dhuruar një tillë, i cili sigurisht që e ka lumturuar këngëtaren.
Pavarësisht dhuratave të shumta që Genta ka marrë dhe shpesh na i ka treguar, trëndafili prej letre mbetet më domethënësi dhe dhurata që duket se s’do t’i mërzitet kurrë!
Këtë të bën dashuria!
