Spektakli i sotëm ka nisur me një video të një momenti aspak të këndshëm që ka ndodhur në shtëpinë e famshme të ‘Big Brother Vip Kosova’.
Incidenti ka ndodhur në lavanderi dhe ka vazhduar në banjo, ku Ganiu dhe Shqipja kanë qenë të përfshirë në një debat që ka degraduar në një konfrontim fizik.
Ganiu e cilësoi veprimin si të papranueshëm duke pretenduar se ka pranuar edhe goditje gjatë përplasjes. Në anën tjetër, Shqipja, e cila ka kaluar disa momente të vështira brenda dhomës së rrëfimeve, ka shpërthyer në lot duke u shprehur se nuk dëshiron të afrohet më fare nga Ganiu.
