Këngëtarja Eneda Tarifa dhe partneri i saj prej 18 vitesh, Erjon Zaloshnja, i kanë dhënë fund martesës së tyre. Lajmi u bë i ditur dje, ndërsa dyshja, që janë prindër të një vajze, nuk kanë bërë asnjë reagim për këtë gjë.
Tashmë që çifti kanë vendosur të vijojnë jetën e tyre të ndarë nga njëri-tjetri, kureshtja jonë na bëri të shohim disa nga postimet që Eneda ka bërë gjatë kësaj periudhe.
Më dyshuesi ishte ai i natës së Vitit të Ri, gjatë së cilës, Eneda ka publikuar një foto ku shfaqet e vetme me një gotë me verë të bardhë në dorë, teksa shkruan:
“E piva për 2017 me të këqijat e të mirat që mbarti. E çuditshme se si gjithmonë ditët e fundit të vitit njeriu bëhet nostalgjik, mediton për vitin që po lë pas. A ishte dështim apo fitore ? E rëndësishme është që çdo situate ta kalojmë me ballin lart, me forcë, me përgatitje shpirtërore e profesionale. Keep it up people ! 365 ditë të reja! 365 shanse të tjera!
