Prej disa muajsh është përflolur se “Facebook” do të bëjë një ndryshim të madh dhe këto ditë u konfirmua si lajm.
Së shpejti në kryefaqen e “Facebook”-ut do të shfaqen vetëm postimet e miqve tuaj. “Facebook” ka vendosur kështu mos t’ju informojë mbi lajmet më të fundit në vend, ngjarjet më të rëndësishme të momentit apo ato që do të bëjnë bujë.
Bëhuni gati të përmbyteni nga postimet e tezeve dhe hallave që nuk lënë gjë pa postuar, me kë pinë kafe, çfarë gatuan për drekë, apo pse qanë për telenovelën e tyre të preferuar.
Por nëse mes postimeve të miqve tuaj që shesin mend dhe atyre që qajnë halle, do donit ende t’ju shfaqen lajmet më të fundit, fotot dhe videot argëtuese, atëherë ndiqni këto hapa:
1.Shkoni tek faqja që doni të ndiqni, dhe klikoni butonin “Following”
2.Tek dritarja që shfaqet zgjidhni opsionin “See First”.
